ليت العمر يهدي‎

ليت العمر يهدى وبهديك عمـري
تستاهل الأيام يـا زهـو الايـام

لو الهوى المحبوس في جوف صدري
يظهرعلى العالم غشى العالم اهيـام

فيني غرام فوق محمـول صبـري
وفيني خيال فوق تصوير الاحـلام

صباحي اسرح لك وفي ليلي اسري
والى هجع فكري خفوق الهوى قام

والله مالي غيرالاشـواق عـذري
واللي عرف شوق المواليف ما لام

يا من يبيع الصبر يا ناس واشـري
محتاج كل الصبر واصخي بالاقيام

يا مالك امري وش نواياك بامـري
ارحم خفوقٍ عن هوى غيركم صام

حالي غدا مثل المساويـك مبـري
يا باريٍ حالي ترى البعـد ظـلام

ادري بحالك وانت بالحال تـدري
يالله عسى ذا العام احسن من العام

ليت العمر يهدى وابهديك عمـري
تستاهل الايام يـا زهـو الايـام

مما جال في خاطري

من القلب الي القلب

حنين الوجدان